阿診的古靈精怪: 上身
2013年4月1日
Archive
作者Archive
美軍的五大部隊簡介
2010年4月9日
今日同大家講講美軍的五大部隊:
首先講下軍階,主要分為士兵及同軍官級.中學畢業只可以入士兵級,接受綠卡人仕入職,等級由E1到E9.而軍官級最少要大學畢業,亦一定要入咗美國籍至可以申請,等級由O1到O9,可以叫管理層,而地位和人工較高,例如機司和指揮官就一定係軍官才可以做.簡單嚟講,士兵級最高的E9亦要聽從O1嘅order.而各部隊的軍階是相同的,只是不同軍種. 閱讀全文…
US NAVY 大兵雷奧日誌 快將推出
2010年4月1日
Hong Kong Real Bullet, Come and kick the ass！
一個土生土長的香港仔，點樣去到美國，誤打誤撞加入美國軍隊，當上US Navy大兵來呢，當我地仲射緊BB彈，玩緊射水槍的時候，佢己經打緊M16 real Bullet的第一槍，究竟一個香港人系軍中生活，面對一班最優質先進軍隊時候，心路歷程和轉變是甚麼呢！
鑽石山三十年前隧道女鬼
2010年3月29日
鑽石山三十年前隧道女鬼
怨有頭，債有主，死去三十年之後，一口怨念化成厲鬼，默默地等待著某人的到來……報仇雪恨！如果係你不幸遇上她，你會點樣？係咪你唔驚鬼，唔信有鬼，個人有殺氣，鬼就害唔到你呢？六年前香港受到沙士的影響，大把人冇工開，經濟環境非常之差。但對於我來說，反而是生命中的一個非常難得機會，唔洗開工天天去郊外玩單車。錢對於當時的香港人來說，並唔係最重要的事情，好多人在這段困難的時間，反思自己存在的價值，跟朋友家人情人的關係反而更加緊密。呢段時間你又做緊甚麼呢？我就因為經常去玩車，結識左好多住在西貢舊村的朋友，其中有段經歷非常之奇怪，在問准當事人後，同大家分享一下！
以下呢段數碼錄音，錄於2003年，地點係西貢北譚涌附近一條冇人住的村……唔係！應該話係有人住，有一個人住係入面，獨自一個人住係條村入面。有去過北譚涌玩的朋友，都知道個度有個士多。士多旁邊有條橋，沿著河邊步行大約25分鐘，會有個小碼頭。過左個碼頭再經過一個小樹林，會見到一道鐵絲網，推開個網，就可以入到去。整條村有二十幾間屋，間間都冇人住，村口得幾支街燈。平時日頭只有行山的人久不久會經過，但都好少；夜晚真係鬼都唔會見到一隻，條村最尾個間屋有一個人和一隻金毛尋回犬住係個度。條友每日靠一部電單車由小路進出呢條村。平時我地玩夜車，就會踩去佢家，有時燒下野食、飲下酒咁，住係個度唔係猛男真係晚晚鳩都縮半吋。你幻想下一個人住係一條行路要行廿分鐘郊遊徑先去到的廢村獨居，全程無人，得你一個住，成年租金都只係要兩千銀！平過大陸大Y灣，唔係個膽生撚晒長毛真係唔敢住架！
但係估唔到偏偏就會有些奇怪事情發生係呢個猛男身上 ！當佢出事之後我地一班朋友都唔敢相信，我地一向視為世紀猛男的大周哥，會變左一個我地唔再認識的人。我地懷疑佢比一隻女鬼上左身或者跟住左！
晚上七點鐘西貢碼頭公園外，我接到大周哥條女阿兒的電話叫我落黎幫幫手。我落到去見到阿兒好驚咁，想喊望住我，我見唔撚對路，第一時間就話:「唔洗驚，咩事先，無野呀！ 」阿兒話:「我好驚呀，大周幾晚夜晚都痴左線呀，我錄低左呀，你自己聽……你同我出車房一齊開段錄音比大周聽啦，我唔敢自己比返佢聽呀！」 我叫阿兒飲啖水先，食支煙仔定定驚，唔好喊住，開比我聽下先 ！阿兒口震震拿住部錄音機交比我話:「你開呀，入面得一段錄音架咋。」我打開個掣，開始好留心咁聽，大約沙沙聲半分鐘之後就開始有聲。因為段錄音系一間樓底好高的屋入面錄，聽起好很空曠。
阿兒: 「起返身呀大周，拍拍(應該係打左兩巴的聲音)…… 唔好咁啦，起身
呀，唔好訓係地下啦…..」.
阿兒: 「我依家問你呀，妳係邊個呀！點解晚晚訓係地下度唔起身！你係邊撚個！」
男人(很尖的人聲):「 嘻嘻，嘻嘻，我執返起D書，我跌晒D書落地呀！冇人幫我執，嘻嘻！」
阿兒: 「你執晒就走啦，求下你走啦。你點先肯走呀，你唔好搞佢呀，你係邊個呀，話比我聽呀！」
男人: (變成好刺耳的尖沙聲) 「我見唔到我個樣，我冇得見人呀！(好大陣噴氣聲) 我冇左個樣，我冇得透氣呀！(跟住有人喊，係咁喊和有時候發出尖叫聲）」
阿兒: 「你唔好搞佢啦，有得罪你都好，點先肯走呀？唔好嚇我大周……大周呀！醒下啦！」
男人: 「我想返屋企，我想返學，圖書館……我打死你(變成女似的尖沙聲)……你打死人呀，你唔好跟住我呀……你打死人呀 嗚嗚……嗚嗚(女人喊聲) 。」
阿兒: 「你屋企係邊度，係咪要幫妳找屋企人？你叫乜野名，你住係邊呀？」
男人: 「嘻嘻，我住係個箱入面架。哈哈，哈哈，我住係個箱入面架……」(跟住一段狂喊和大叫聲……跟住段錄音又冇晒聲。得返阿兒係咁叫佢起身和打個男人塊面的拍拍聲。)
但個段個男人叫得好淒厲刺耳，我心都寒一寒，要點支煙仔定定神先。我按左一下stop制，連支煙仔都調轉左咬，點撚左火，燒親嘴，搞能到成口臭膠味。
我同阿兒講話:「做乜撚野會咁柒樣架？大周係咪傻能撚呀？」(個一刻冇想到係鬼) 我再問阿兒:「大周(錄音機入面的男人)幾時開始係咁樣架？」阿兒話:「一個星期前大周開始成個人變左，呢段錄音係我昨晚錄架！我天光想比佢聽返，所以特登錄架。」我吸啖煙仔，突然勾起返十幾二十年前的一個女鬼叫聲，常寂園女鬼的哭聲。打左兩個電話，叫埋兩個識得大周的車友燒焊榮同比利哥出來比佢地聽下段野！我識得的大周，係好典型的車房佬，正正常常，義氣仔女來。平時玩下電單車、爬山單車、行下山，人都四十七歲完全正氣！無可能短短一個星期會變成咁樣，我地上個月仲踩車入去燒過野食，成大班人……阿兒突然話大周撞左鬼，我聽到之後個心沉左一沉。心諗: 猛野黎！仆街啦大周呢次。我再問阿兒:「大周宜家係邊度？有冇返左西貢先？」阿兒話大周仲係車房度整緊車，我拿拿林打電話比燒焊榮和比利哥叫佢地快點來。跟住開車去車房找大周，大周車房就係係鑽石山個頭。去之前我特登扮撚晒野打個電話比大周哥話：「周哥，食飯未呀？家下來緊車房找你吃飯呀，等埋我地先好走。」但我聽到電話度大周把聲好沙，佢話:「唔食呀，整緊野呀！唔食呀。」佢好似好煩咁樣。大約四十分鐘後我地去到車房度，見到大周唔係整緊車……係唔知做乜撚野整緊一個大木箱，上面貼住好多張報紙。大周見我地黎到，呆撚左咁坐係地度，望住個牆用筆係咁四圍劃，冇同我地講過野！個情形好能鬼詭秘，因為我地當時見到大周個樣都變左好陰沉，我地一行四個人都唔敢行埋去……突然大周瞓係個地上，拿住支筆向天劃下劃下咁話:「我透唔到氣呀，嘻嘻嘻，幫我執返本書呀！」我地冇人敢行埋去住，因為大周拿筆的另一隻手，拿撚住把四吋長刀仔……
都係燒焊榮醒撚目，一野慢慢推部架生車埋去，大大聲話：「大周哥，我幫手啦！搞掂拿拿聲食個飯先！」阿燒焊榮好撚快手咁一手拿撚左把刀仔放返落個架生車度。我呢D「淆底獸」 見無左危險，咪拿拿林抱撚起大周哥，叫撚返醒佢回下魂先。我係佢耳邊好大聲想嚇撚返醒佢先，我係銀包拿左度符出黎，放在手心上，左手按住佢心口。(其實我唔撚識，不過度符師父比落，我又帶住係身十幾年，都係搏一搏！) 我好大聲話：「大周哥，起身食飯啦！返黎起身食飯啦！」跟住我見大周真係輕輕跳左一跳咁，開始望撚返住我地個表情係正常，佢望住我地神情好撚突然咁話：「喂喂，黎左呀，咁多人呀，喂喂喂！」阿比利即刻比左支煙仔阿大周食，佢話：「周師父，整支煙仔先啦，洗個手換件衫去食飯先啦！」跟住大周哈哈哈咁行能左去入面洗手換衫。我同燒焊榮﹑比利三個互望幾眼，大家都呆撚左。
我先開口話：「好能邪呀，乜能野事呀？」
比利話：「周師父系咪傻能左呀，唔能對路呀！」
燒焊榮話：「比反段錄音大周聽下睇下佢點先啦！」
我話: 「無能聽住啦，一陣夾狗佢去食飯先算，唔能對路就捉入急症室！有D腦腫病症都會甘樣架，大家無能甘迷信住，一陣睇睇醫生先穩能陣。」我無同佢地講過我以前識得幾個師父和我朋友都系師父。因為個時我個人大個左，外國反來之後無甘迷信，同埋好能憎人迷信，又好能憎乜能師父甘！但又自己袋能住度符，其實我都唔知自己系點能樣架有時，不過抱住乜能都試下的心態羅。我成世人都系甘矛盾架！阿燒焊榮又系甘一輪嘴話不如比大周聽反段錄音先，睇下佢點樣！雖然我個時都好大個，已經系成年人一名，但都忍唔能住笑笑口話:「屌你個臭嘴，咪能成日講啦，你連個鬼字都無能提呀一陣！」 閱讀全文…
好多人睇過相問流年問鬼問神？想唔想知道點先最勁！
2010年3月29日
七年前好沉迷命理術數，又睇書啦又跟人學斗數甘！其中有真正的傷痛
2010年3月29日
情愛路上甚麼最痛
曾經用好多說話，故事，佛家角度，現實角度去開解失戀和有感情問題的人。 但在我心中，我覺得愛情是兩個人一起產生的事情，如果有一個變了心，你強行要留住那種感覺，你就會痛…..…..時間可以沖淡一切的感情痛苦，問題是長或是短，就好似你走進電影院看電影，你會哭，你會流淚，但過了沒多久，你就沒有感覺了，失戀當日，你就是戲入面的男女主角，你會有切膚之痛，苦干年後你回想起來，你就像是看電影的觀眾一樣，你早就變了旁觀者了，那種傷感還會有，但切膚的感受………..淡淡然的流失了在歲月當中。
幾個月之前，因為工作關系，接觸到一個背包工廠的女老板，我叫她王姐，年紀比我大。我給她下了一張單，有時常工廠看貨無聊，就跟她談起來，發覺她跟我一樣，對天天工作的煩悶，做人處事的看法，有非常相同的體會。…....佢同我講話，唔知做人為甚麼，天天工作，並不是我們想要的，錢並唔系好重要。 我跟他說，人生幾十年就變灰，錢這個東西，可能到你臨死個陣，系最無價值的一樣物件來。去過這間廠工作多次，發覺王姐對甚麼事情都處之泰然，包括生意上的金錢等，同很多大陸人好唔同。我亦和我同事跟她談起家庭來，發覺她有一個18歲的孩子。我們很好奇，她從沒提到她老公，我們亦猜想，肯定離左婚啦王姐。……
有一日我不知怎地，跟她談起有些人失戀要生要死，真無用，真正的痛是愛一個人，那個人亦深愛你，但有一天他突然死了…..連一句再見也沒說，這種痛，才是我心目中，不能磨減的一種。誰知王姐跟我說，她老公從她讀高中時就在一起，大家幾十年無分開過，去年的一天晚上，她在工廠回家，老公睡在地上，已經無呼吸，那一刻，她整個人發呆了，直到幾日之後，也活在這種狀態之中，直到一年後，她還沒回覆過來………..。我聽了之後..…….眼很紅，轉過身，良久無言。
我這等對痛感受皮毛的小伙子，居然跟王姐，談起痛來..……………我心中暗暗配服她！