Archive

作者Archive

我們這一代的溝通

2010年4月18日

wing fly head     我剛剛又睇到一宗關於青少年因偷識雲雨之後珠胎暗結的事情,本人經常在節目提及青少年有性行為是並無不當,但係時下年青人應該有很多性知識,而近年來往往都還有在家中誕下嬰兒的事故,而當事人又不懂得處理, 因而引至一些悲劇發生。大家想想這些問題的原因是從那裡發生的?  就是欠缺溝通, 點解大家會有一些知心友呢? 因為雙方都懂得溝通才能成為知己, 大家可引用交知心友的方式來和家人溝通相處可以嗎?  現今青少年問題都是出於此處, 就是雙方沒有溝通,所以產生出種種問題,例如: 親情、學業、前途、行差踏錯等等。        

     首先談親情方面,父母懂得同子女溝通是一件非常非常重要的事, 子女覺得受到關心,他會有一種窩心感覺, 兩代之間隔膜就會打破, 而他們也會開始談及自己的事情, 從談話中知道他們的想法,但切勿過份關心,過多的話會變成囉嗦, 就會產生反效果了。 每人都會犯錯,好多時父母未了解清楚就說他不是, 其實要了解清楚才能下判決, 表現出你是一位明白事理的開明人。(如果你們覺得有位開明父母也好?  就算有冇亦都好,  你的父母並非如洪水猛獸般恐佈, 女們應該都要多些談及自己的事,別要令父母擔心呀!)   至於學業,不論你是否係名校生又好, 雞學校生也好,首先你們有冇用心上課先, 的話你就是一位好學生! 係有些學習上的問題, 不是發生響你們身上,我都是過來人, 如果老師教學方式不適合自己,就算點留心上課都冇用, 你應該向老師提出這些問題,尋求解決方法,絕對不能坐以待斃, 最終損失係你自己,所以教師和你都須要溝通, 你唔提出人家真係覺得你會冇問題的, 總之唔識就老大都去問就一定係冇錯。           

     談到前途,年青人好多對自己嘅前途係好迷茫, 你亦可以去問一些長輩朋友或家人, 給你們種種意見, 使自己不用行錯一些冤枉路, 令到自己更快去到一條康莊大道。    至於社會上存在有濫藥、援交、性罪行及刑事罪行等嚴重問題, 大家應該關注,兒時媽媽常常對我講, 學好難學壞易, 這句說話係事實,假若你有些不良嗜好, 想戒除惡習是不是好困難呀?  我實在見過好多有吸毒、濫藥的人, 當他有錢可供給以上種種不良物品比自己那當然冇甚麼金錢問題啦, 但若然冇錢的話又會變成點, 大多數首先響屋企人埋手, 偷錢及家人的財物, 之後屋企裡再沒有財物又甚麼辦呢, 男嘅就去偷呃拐騙打家劫舍, 女嘅就出買肉體等等, 壞事做盡務求找錢買些毒品給自己享用。 如果你們能夠接受以上行為的話,我就無話可說,始終你們有選擇權,因為走上一個錯誤的方向,就是選擇了走上一條不歸路,真的很難回頭。  所以吸食毒品的行為,會引伸出好多罪行問題出現,本人衷心勸告時下年青人們不要因貪玩而去嘗試。    溝通最終是令大家了解和解決問題的主要因素, 在很多關係裡都產生作用。這一代年輕人的溝通,難度只會在msn入面嗎?  燒焊榮 18-04-2010

燒焊榮的焊味十足

燒焊榮 點睇一D老屎忽

2010年4月2日

24538_106968372664475_100000539374503_154910_1177959_s一班阻住地球轉的人    

     大家在社會上工作都會遇到一些不平事及一d柒頭皮,唔知你地有否遇過呢?而我就見過好多囉!例如刷鞋仔、屎忽鬼等等,在各行各業裡都有所謂老屎忽呢種角色,佢地都有分好與唔好兩類型,首先講吓前者好嘅老屎忽,他們會好照顧行內一d初哥,始終新人真係咩都唔識,但佢會提點及扶助d後輩,等新人們盡量少犯錯,培育他們成長,又可以幫輕吓自己未嘗不可!大家及公司方面都有得着和好處。

     而後者唔好嘅老屎忽,佢地麻煩多多,往往玩針對,十問九唔應,鳩屎到不得了,要學吓豪仔咁講,最鳩憎呢種人!佢地嘅心態驚會教識徒弟冇師父嗰種,所以佢地絕對唔會教嘢比人,亦驚人會打爛佢飯碗,另外有d係老闆的老死過類,仲仆街,似住有老闆撐腰就廿文廿武、辦撚晒嘢,冇料又辦有料嗰d,簡直不知所謂,所以響工作上有些後者嘅人存在,會令大家有唔愉快的工作氣氛。你地話公司裡有呢種自私自利嘅含家玲又點會好呢?你地會點睇呀?

燒焊榮的焊味十足

燒焊榮 舊照片的深情回憶第二節

2010年4月1日

另我非常擔心的事,就係bb出來嗰時焗親,你們暫時冇得睇bb住,因為佢要響氧氣箱內所以暫時唔方便探bb囉,而我問護士小姐,bb嘅情況是否嚴重嗎?護士小姐說你唔使驚,其實係一d小問題嚟,好快會冇事嘅!當時祗有信她,而我開始感受到做父母擔心子女是甚麼一回了!始終bb都在醫院住咗十幾日才回家。而我終於可以抱住我的兒子回家去,但最初抱佢時真係有d驚,因為十幾日嘅bb身體會好軟棉棉,所以我驚整親佢!當我望住bb時我心裡面對自己說要好好照顧你。估不到一個生命的誕生,能使人有股強大推動力向前。時光飛逝,我兒子今年16歲了,我希望他將來可以能夠自己照顧到自己便心滿意足了!  作為新一代父母要和子女有一種溝通方式,關懷他們多d,不再囉嗦,而佢就會覺得有做朋友感覺,對於父母嚟講是好事!

untitled 312

 

 

 

 

 

 

 

 

 

 

 

 

 

 

 

燒焊榮的焊味十足

燒焊榮 舊照片的深情回憶

2010年3月30日
  • Sunset        大家好,這次有機會可以寫我自己嘅事實在難得,最近我睇番一些舊相片時,突然翻起自己初為人父時嘅事情,回想起我結婚、榮嫂懷孕至BB出世時嘅景象,當時我得嗰二十出頭,好多朋友對我早婚一事都唔睇好,因為年紀細、冇事業基礎同奉子承婚的關係。所以他們有這種看法也算正常。
  •  
  •         我可以向大家講,早婚唔係一時的衝動,我和榮嫂都有同一想法,就係組織一個自己嘅家庭及擁有小朋友,但一般人眼中我是所謂的問題青年囉。每一位都有可能經過結婚生仔的階段,而我選擇早婚方面走,而奉子承婚有些人覺得是掉瞼嘅事?但我覺得係一種福氣及一件喜訊,甚會掉瞼呢?須然早婚會比較辛苦但後生去拼博始終會擁有一股拼勁去幹(除非你係一位冇目標、冇鬥志嘅人)。
  •  

        所以我就向着這方面去幹,因為我已經承擔咗一家之主呢個角色了!承擔的責任是好重要,人生在世做一位有責任嘅人,在家又好在工作上又好,都會容易受人賞識,咁又未嘗不可呢?  從那天起,我決心做一個好爸爸,絕對不做濕奶老豆。當看着肚裡的小孩一天一天長大時,心裡面又驚又喜,好怏我的身份將會轉變,係一位小孩嘅爸爸!!! 終於有一晚榮嫂作動,我和家人都大為緊張,到了醫院的時候,醫生對我講,她係第一胎,唔會咁怏嘅,你回家等休息啦!醫生佢講得冇錯,BB真係第二晚先至來臨,其間發生咗一件事情,就係榮嫂做唔到自然妢娩,所以醫院通知我話要開刀,叫我唔使擔心,仲叫我聽朝先去探佢啦!你話唔擔心就假啦!我之後一直冇瞓過,直至到朝早我和媽媽去醫院,當我見到她時候,我立即抱住佢相擁而泣,而媽媽就話我,你傻架,喊咩嘢,當時我真係好擔心榮嫂嘅安全,所以喊咗出嚟。之後榮嫂問我點解你唔問仔定女嘅,總知妳兩個冇事就好,仔女都冇所謂。但係護士突然通知我地一件好重要嘅事,另到我非常擔心的事是甚麼,下次再講吧!       31-3-2010燒焊榮的黑白世界

燒焊榮的焊味十足

Copy Protected by Tech Tips's CopyProtect Wordpress Blogs.