Archive

‘小小秘書日記’ 分類過的Archive

我的古怪公司

2010年4月23日

依排因為公司D野都唔多開心.
我先介紹一下我公司…公司請我番黎係做秘書. 但我第一日番工, 有個同事介紹其他同事我識時. 先發現原來公司有兩個秘書..(全公司得5個人.)
因為老闆好唔中意個個老秘書.所以請人番黎代替佢個位. 所以就請左我.
而..老秘書唔係善男信女. 佢可以係依間怪公司做到7年一定有佢個人之處..
因為佢成日想我走..所以成日好多小動作..不過最搞笑係.全公司都好憎佢..無人企係佢個邊.所以佢背後對我做過D咩我都一清二楚.
我之後會講下佢對我做既屎忽野….XD

近排有個同事走左. 公司請左一個新人…個新人我覺得好OK..個人又林善, 我地又0岩傾, 大家都中意小動物..

佢屋企養既小飛鼠同龍貓.
IMG292 IMG297

 

 

 

 

 

 

 

但..我老闆竟然話因為佢有少少寒背而唔用佢..(所以我公司真係好古怪..)
我聽到好嬲..同好唔開心. 一來大家已經建立左同事關係.二來我唔覺得人地有咩做得唔好!
今日個女同事同我講..佢同男友個阿爸生CANCER. 成家都愁雲慘霧…而且又好等錢用..
見到甘. 我都好想幫佢..最慘係..老闆唔係開聲同我講要炒佢. 我個角色好難同老闆求情..

而我都同我公司既經理講左..希望佢真係可以幫到手..

小小秘書日記

施食PART3

2010年4月20日

講起上回, 因為太驚, 所以越諗越大聲. (雖則我其實唔多識諗)
諗左好耐, 終於諗完, 甘我好想同我同事講0岩0岩我比野猛我頭髮, 不過又諗起之前有個女人同我講就算知道都唔好出聲.. 甘真係唔知講唔講好…
不過最尾都係忍唔住..講左我同事知..
我”喂, 頭先我比野猛我D頭髮阿. 我好鬼驚阿”
同事Z “我都係阿….個個係師傅黎GA, 你聽唔到腳步聲咩?!”
我”…………下?!”
原來…師父聲稱猛我地頭髮係幫我地擋左劫囉..(心諗:真唔真阿…?)

成個儀式完左, 佢地又話再上高D…師父話帶我地去睇下夜晚既墳墓多唔多眾生WO..
我同我同事仲有一個女仔極力反對, 不過無人SO我地, 我地3個女仔無理由企係下低食住風甘等佢地GA. 之後咪唯有跟佢地一齊行上去.
行到上去.我地3個坐係個涼亭看袋, 一來覺得驚, 二來覺得我地無需要去證實LO..
等到佢地終於睇完番黎, 我地都已經涼彊左…
佢地話見到有個白色衫既坐係某一個墳頭,不過唔清既. 係好蒙, 聽佢地講其實都係見到1,2個…

因為太夜又無車, 所以我地要行番落去MTR, 都行左成3個幾字阿..
行到落去. 師父幫我地每個人畫符..
輪到我個時…師父無LALA問我 “你無野阿MA?”
我”我無野WO..”
不過師父幫我畫完符之後又”“一聲點我額頭一下. 完全唔知搞乜, 不過我覺得都唔方好野…
等到佢幫大家搞掂左, 我就追過去問師父我係唔係比野跟…
佢答我 “係阿, 佢可能見你神智唔多清醒, 想上你身LO, 你頭先個樣成個鬼樣甘
OMG!

最後. 我唔敢番自己屋企. 去左男友家.
到沖涼時. 我叫男友坐起門口陪我講野…
我諗我下次都唔再去喇…………..

小小秘書日記

施食PART2

2010年4月19日

上次講到我地成班分開坐的士上到山..等齊人我地就去到唔記得第幾段, 只係記得都好入下.
差不多行到上最高個層樓梯之後, 大家就按師傅講搵個位坐低諗經, 師傅諗經之前話 “依排經濟唔好, 好重怨氣阿”
施食前諗經係因為可以令到D飽鬼既喉嚨可以唔再比火燒, 可以食到野..
甘諗完LA. 師傅就拎左包細米, 溝左D水叫我地去撤.

我地係上到最高撤既, 最高個層係無墳墓, 只係有一大片草地, 同埋不遠處有幾棵樹. 甘到我撤..我竟然見到不遠處棵樹附近有個男人身影行過, 行到棵樹個度就無左…我又唔識野大大聲問其他人見唔見到..之後有個女人同我講 “你見到都唔好出聲阿, 我之前係度0黎過野GA LA” , 我個時先意識到..可能見到靈體….

施食完, 師傅叫我地排成一橫排, 對住個海諗光明真言..以超渡佢地. 仲話 “真係好重怨氣, 好多好多係度食緊阿..等陣你地諗經時如果有個鬼樣走黎嚇你, 或者有野猛你衫你都唔洗驚, 佢地只係話比你知佢地到左..”
師傅叫我地一路諗, 一路觀賞一朵朵蓮花漂向天…
甘我地一路諗 (其實我唔太識諗..因為係梵文..又無學過,只係聽到多口UPUP..) , 突然D頭髮比野猛一猛..

個時心諗死LA, 我好驚WO, 又唔識諗經..點算..只係猛甘心諗“你唔好嚇我阿, 我知你黎左LA!”
雖然係唔識諗, 不過因為太驚, 就越諗越大聲..

 

待續.

小小秘書日記

施食.PART1

2010年4月16日

雖則話自己無咩鬼故講, 不過諗下諗下..有個幾得意既經歷想同大家分享一下..

話說工作上既人事搞到我好唔開心. 所以同同事番佛學, 諗住學下野之餘, 睇下可唔可以放開D. (不過我好懶又早訓, 所以出席率大約只有3成…)
大約係今年2月幾3月時, 有一日番工, 我同事Z同我講 “佛學個度呢, 話今晚去施食阿, 即係餵餓鬼, 你去唔去阿?”

我抱住咩都試下, 同埋好似係做好事既心態就應承左喇.

先講講乜野係施食先,  施係即係餵餓鬼, 我地上次去係水+米, 用黎撤地, 師父一路諗經, 我地一路撤, 師父話餓鬼食左戚生唔飽, 因為個喉嚨會好似比火燒甘, 食又食唔到飲又飲唔到, 又唔可以投胎, 所以好可憐既, 佢諗既經文係可以令到餓鬼喉嚨舒服D, 令佢地食到野, 再之後就諗經超渡佢地.

依D係上網搵番黎既資料 ” 施食又名「施餓鬼」,一般我們都只認為施食單純讓餓鬼飽滿,但深入經典方知,經過施食咒加持七遍後,即成「解脫食」,
也就是來食餓鬼吃到食物即得解脫,如經雲「罪畢得出生人天中。受天尊勝微妙快樂殊勝自在。」
又經過施食咒的加持,縱使我們未招請餓鬼,餓鬼也因施食咒的關係,來數如恒河沙,
如經雲「彈指七遍,取于食器,于凈地上,展臂瀉之。作此施已,于其四方,
百千那由他恒河沙數餓鬼前,各有摩伽陀國七七斛食,受此食已,悉皆飽滿。是諸鬼等,悉舍鬼身,生於天上。」
所以施食咒是相當重要,又名「勝大悲曰陀羅尼」!”

先講番個日施食, 我地成日等到齊都已經成8點幾, 之後成20人就分開坐的子上華人永遠墳場.

4472780208_18b160b533 到左墳場, 個看更出奇地無咩留難我地, 只係叫我地小心野狗, 就好順利甘上山..

小小秘書日記

包包B同你打朝呼喔! 大家好~

2010年4月16日

 

122 

我呢, 中意動物多過人, 因為大多數動物都好善良既. 你地認同嗎?

 

 

 

 

 

 

我係包包B, 麻煩Jem哥比個位我up下野~:p

主要霸個位想講下辦公室既喜與怒! 鬼故就無得講喇, 不過想講比鬼更可怕既 “西人”!
anyway, 大家多多指教la~

小小秘書日記

Copy Protected by Tech Tips's CopyProtect Wordpress Blogs.