Archive

‘夢娜診的古靈精怪’ 分類過的Archive

阿診的古靈精怪: 掛屍

2013年5月14日

掛屍

M先生係我一個老朋友,
住係官塘翠屏村,
早掛M先生話 keep fit
(其實為左識女仔),
想減左個小肚腩,
於是開始每晚放工後食飯前,
走落樓下跑步,
佢多數會跑去"厲鬼城"果頭,
(厲鬼城係我地D口痕友改既,
其實係私人屋苑"麗港城"),
因為果頭比較清靜,
又近海, 其實都幾舒服架! 閱讀全文…

夢娜診的古靈精怪

阿診的古靈精怪: 人頭沙包

2013年5月5日

人頭沙包

2012年, 我有幸出席了一個網聚,
係香港鬼網 JemDogDog 加三藩市鬼網,
兩大節目主持人攪既,
而三藩市鬼網既網主,
名叫 Go 敵安 (故事簡稱 G),
呢個故事係佢當日講既親身經歷! 閱讀全文…

夢娜診的古靈精怪

(轉貼) 筲箕灣撞山妖同洪聖廟洪聖爺顯靈

2013年5月4日

呢單新聞係上年在網上討論區傳得好勁, 仲要上埋報, 大家有興趣不妨當作"都市傳聞"咁睇下!

(轉貼) 筲箕灣撞山妖同洪聖廟洪聖爺顯靈

我家姐半年前驗到條頸有個腫瘤,唔知良性定惡性,
佢聽人地講去少人既廟拜會特別靈,
於是佢自己去左筲箕灣後山上面間廟(唔係洪聖廟,係山上面間乜神都有既廟),仲應承好番會還神. 閱讀全文…

夢娜診的古靈精怪

阿診的古靈精怪: 問米

2013年4月3日

問米

呢件事因為年代久遠, 所以呢幾日我都花左少少時間去整理, 諗清楚D細節, 件事係發生於我六年班既時候, 因為果時屋企好多野都唔順, 弟弟又成日病, 咁我阿?就走去問米, 我阿嫲佢唔識字, 家中我係大女, 基本上去邊度都會捉我去陪佢搭車帶路!!! 閱讀全文…

夢娜診的古靈精怪

阿診的古靈精怪: 上身

2013年4月1日

上身

呢件事發生係我 Form 2 既時候, 我又係唔記得有無係節目度分享過, 有既希望大家都睇多次!

話說當年我仲係青春少艾一舊飯, 有一日星期五晚, 阿媽叫左我去佢個"道堂"幫手包禮物, 先講我阿媽, 當年有份工時固定既正職, 收入又穩定, 反之我老豆係做服務性行業, 收入高之餘但放假既時間就同阿媽唔太一致, 當年阿媽有D朋友係信道教, 假期就會去道堂穿起套"道士衫"修煉, 你問我呢舊飯就當然唔知佢地修煉D咩丫, 相信我阿媽都未必知道, 可能純粹無聊, 打發時間, 又或者係搵到D心靈上既慰藉吧! 閱讀全文…

夢娜診的古靈精怪

阿診的古靈精怪: 陰陽眼

2013年3月31日

陰陽眼

陰陽眼有分天生既, 也有後天既, 今日要講既係: 後天既!

朋友A先生+我+我BF識左10幾年, 年青時我地成日去行山露營, 唔同既係, 我果時同現在既BF唔熟, 所以同A先生既露營, 多數有BF就無我份, 始終班底唔同, 話說露營既時候, A先生同我地講左好多撞鬼見聞, 最近同BF講開先知, A先生當時既陰陽眼係點得黎呢? 原來同我BF有關!

話說當年10零歲既A先生, 年少氣盛, 完全唔相信呢個世界有鬼神之說, 仲話有既話都想見下, BF話見佢咁大口氣, 咁O岩佢地又遇到開眼之物: 牛眼淚, 所以就幫A先生搽左! 好多人以為, 牛眼淚係搽係 eyeshadow 果D位置, 其實係錯架, BF話正確係要搽係眼袋位置對下, 鼻側左右, 果個位係"慧眼", 搽牛眼淚其實係要開"慧眼", 至於仲要唔要唸D咩咒, 我就無問到, 但可以維持幾耐呢? BF話唔係搽完洗左佢就無事, A先生差唔多9個月先唔再睇到, 所以真係唔好亂試!

A先生既見鬼故事, 我唔記得同JEM哥錄音時有無講過, 如果無既我可以係度講番!

話說有一次, 我地成班10幾人(我BF無份), 一齊去左西貢海下灣個沙灘露營, 當年漁護處唔會點捉D在沙灘紮營既人, 而當年既海下灣都比較原始和自然, 我地成班人, 煮完飯食飽飽, 就當然圍埋一齊講鬼古丫, 我地10幾個人圍左個圓圈係沙灘度坐, 當時A先生就坐我隔離, 而我同佢既位置就係背住個海, 面向D營同後面既小樹林.

A先生當時係做建築地盤既, 佢話有一次, 佢做既係一個公屋屋苑, 冬天黃昏5點幾6點收工, 成班人一齊走, 但佢人有三急, 就呢埋一二邊解決, 到佢解決完, D工友都走晒, 佢一路罵佢地無義氣, 一路自己一個人走, 你知丫D未起好既公屋, 無燈無電梯, 只能行樓梯走, 冬天6點鐘已經好黑, 好彩唔係高, 只係5樓, 佢又無電筒, 唯有慢慢小心D行落去, 落左2層, 佢見轉角位有個人坐左係地下, 衣衫襤褸, 爛身爛勢咁, A先生經過佢身望清楚, 見到佢係阿伯黎, 好老好多皺紋, 雖然好夜但都睇到佢塊臉好白, A先生無理佢繼續行, 心諗咁早已經有道友走上樓上電? 呢個時候佢已經行左落下層, 佢再回頭望番上去, 阿伯已經唔見左!!! 地盤個地下咁多垃圾, 要離開時點都會有聲掛? 但阿伯竟然無聲無息咁消失左, 係人係鬼大家心照丫! A先生當然就極速9秒9跑落樓丫!

—————————————————————————————————————————————

當佢講完之後, 我自己就無咩驚既感覺, 因為我覺得好奇怪, 我望到正前方, D營既後面, 有D矮樹, 隨住涼風輕輕晃動, 但點解其中一棵樹, 動得特別厲害, 風吹時彎得特別低呢? 總之感覺就很奇怪, 和其他樹不同, 我低聲問A先生: 點解棵樹咁怪既? A先生就叫我唔好問, 遲D先講, 以我"大8掛"既性格知道一定有料到, 於是睜著"金睛火眼"望住棵樹, 可惜無論我點望, 都係咩鬼都睇唔到, 呢個時候A先生就話夜呀不如早D瞓, 於是大家都散會各自入營瞓覺! 而我又點會放過A先生呢? 當然係捉住佢, 佢唔講清楚我就唔比佢瞓丫!(我咁惡, 哈哈!) A先生於是細細聲同我講, 樹上有個白衫既女人, 係度聽我地講鬼古, 不過應該無咩惡意既, 純粹8掛, 叫我唔好理, 唔好講比其他人聽, 費事嚇親其他人!

呢個"古中古"我有諗過真定假, 因為A先生果段時間聽佢講真係"見到野", 但樹上係咪真係有鬼? 定佢只係想快D瞓覺而是但作D野黎打發我走? 就等各位自行判斷了!

夢娜診的古靈精怪

Copy Protected by Tech Tips's CopyProtect Wordpress Blogs.