網上電台 鬼故 奇案 驚心動殺 jemdogdog
首頁 > 夢娜診的古靈精怪 > 阿診的古靈精怪: 神婆

阿診的古靈精怪: 神婆

2013年3月24日

各位極度深寒既朋友你地好 ^^
我係阿診, 識我既朋友都知,
我係一個對鬼神相當有興趣既人,
自問都幾大膽, 不過可能體質問題,
暫時都未撞過鬼, 不過我都有D故事可以分享一下,
事緣其實係我同居BF, 佢既經歷比較奇特,
佢年青時跟過師傅去捉鬼, 搵山墳, 睇風水,
所以佢成日會同我講”舊屎”
我先來分享一個, 同我有關的:

神婆

話說我同我BF已經住埋一齊4年,
上年年頭,我同我 BF 感情出現左好大問題,
因為我同佢好多生活上既細節夾唔到,
例如: 我係一個無咩所謂既人,但佢做咩都要有規有矩,
加上佢好大男人,所以真係好煩,
我同佢住埋同一間屋,果時已經唔秋唔睬+黑晒臉幾個月,
可以話面臨分手邊緣………………

有晚我放工返到屋企,見我 BF 係度,
佢話佢今日無返到工,我問佢點解,
佢同我講,今日遲左起床,
好急趕咁出門口,去到巴士站,
臨上巴士,有個阿婆走埋去,
問佢唱散紙,雖然我 BF 好心急返工,
但都有唱比佢,就係呢個時候,
個阿婆同佢講:
「比個機會人,等如比個機會自己」
我 BF 即刻呆左,佢望清楚D,
原來係元朗某間廟入面個阿婆黎,
跟住阿婆再加多句:
「你都比左咁多時間佢(改變),唔差在再比多少少時間佢丫」
跟住阿婆就走左去搭巴士,
而我 BF 就返左屋企反醒。

當我 BF 同我講完呢番說話,
我己經喊左出黎,
呢個時候我 BF 就攬住我由我喊,
我地決定重新開始!

最離奇既係, 我 BF 話佢唔係第一次見呢個阿婆,
呢次係佢第三次見, 我 BF 話, 頭一次見, 都成6年前,
佢有個朋友話呢間廟有個解簽婆,
問野好靈, 但又唔識去, 知我 BF 住元朗,
叫佢帶路去!

奇在阿婆答完朋友野, 轉頭贈左我 BF 兩句,
無那那話叫佢份工唔好走,
黎緊會升職加人工, 我 BF 無特別上心,
果時佢係機場做, 真係幾辛苦,
但真係唔夠一個月, 佢阿頭升左佢,
仲加左佢人工添!

呢件事之後三年, 有一晚, 我 BF 放左工,
果時11點幾成12點返到元朗,
佢話果晚好困擾好唔開心,
工作壓力好大, D下屬唔聽話,
佢去左元朗 D 潮州”打冷鋪”叫左幾個餸, 飲藍妹,
坐坐下有把聲走埋黎: 後生仔, 呢處有無人坐呀?
佢話無, 阿婆就坐低左,
佢當時心諗, 咁夜點解會有個7老80周街走?
望真 D 原來係3年前呢位阿婆,
BF 話果晚阿婆同佢傾左成個鐘先走!

又再3年後, 就係巴士站呢次呀!

阿婆同我 BF 有感應? 有緣份?
二次都好似特登黎搵我 BF 咁, 我都覺得好奇怪,
BF 話佢而家唔係成日係廟,
遇到佢係緣份, 其實我都想去搵阿婆架!
因我由始至終都未見過阿婆, 我有問過BF阿婆係咩樣,
佢話: 好瘦, 駝背, 細細粒, 阿婆咁既樣! (比佢吹脹)

btw 唔好問我阿婆係邊間廟,
因為應承左BF唔講得,
都係果句: 有緣既, 就會遇到架呀!
(全文完)

夢娜診的古靈精怪

  1. 目前沒有任何的評論
  1. 目前還沒有任何 trackbacks 和 pingbacks。
你必須 登入 後才能發表評論。
Copy Protected by Tech Tips's CopyProtect Wordpress Blogs.