Jemdogdog 週記 談感情價值觀 1
Jemdogdog 週記 (逢星期三晚網站連載) 2003年3月31號
談感情價值觀 1
各位網友好，自從做左網台之後，好耐都無用文字同大家溝通一下，實在過意不去！其實無論喺網台點講點吹都好，始終無咗用文字表達個種入心入肺既感覺，所以每逢週三就會係網站寫一編週記，希望大家會留意下啦！
今個星期天陰陰，難免會多愁善感起來。早幾日同三數朋友打邊爐吹水，發覺好多人有不同程度的感情困擾，奇就奇在困擾並不是出現有第三者，而係兩個人的思想和生活價值觀出現不協調。所以這數週想談談情愛這回事。其實兩三年黎，不斷有網友來信問我好撚多唔同既感情問題，我都好樂意去分享一下我對感情的觀點和睇法！
其實每一對戀人講出黎的問題，全部都千編一律，聽黎多舊魚，講多口撚臭，相信大家網友由小學到大學到反工到死左落棺財個日都會聽過唔少，每個人都有佢自己產生問題的原因，我聽聽埋埋之後，又思巧下自己咁多年的經驗，發覺每個人對感情滿足的準則和對感情所需要包含的元素，絕對係有主次之分。講到呢度大家可能一撚頭霧水，Jemdogdog你個撚樣講乜撚柒野呀。係呀！一講到感情，真係會好易搞到你一頭霧水架！我舉完個例子你地可能就會明白，你又即管睇下自己有無下文產生的問題呀！
舉個朋友的例子，阿「真哥」32歲同條女「阿蛇」28歲拍左拖4年，近兩年住埋左，阿蛇人品其實唔錯，放左工都會玩下煮飯仔煲下湯仔比真哥食，對條仔又專一，樣子一般身材可以，表面上睇黎都好幸福啦，咁真哥本身錢又唔係話好多，自己個樣又唔係生得靚仔，其實有個女人跟你過，都可以話算撚數個隻啦！但世事往往又唔係我地睇得咁撚簡單，真哥就係講話：『屌，阿蛇佢好撚悶，我好想有新衝激，因為我過得唔夠開心。』咁我話我可以免費幫佢係天花鑽幾口拉爆，吊個鋼架上天花板去等阿蛇同佢放工玩SM，咁夠衝激啦掛！阿真哥話唔係要呢D，佢要開心，咁我唯有再了解下佢要邊種開心先。細聽之下原來真哥識左個同事發生左關係，事緣兩個收工就成日去Happy hour玩擲飛標，真哥射射下飛標有一日就顏射左落同事個人肉標靶度。咁樣問題就產生咗出黎啦，真哥就開始對兩個女人產生出一種全面性的比較。講開心，飛標妹玩起上黎夠晒癲夠晒喪，好識得打情罵俏，未上床齋擲飛標個陣就好識勾引真哥，成對波餅請佢食，飲大左又要真哥玩抱抱，真哥擲中紅心又會贊到阿真哥好似小李飛刀咁，就算玩完大家只係食碗牛腩面都快樂過人。
真哥要個種開心就係呢類簡簡單單生活上都能夠得到滿足，大家去玩個陣盡情去享受時光。呢一點真哥個正印阿蛇就做唔到，阿蛇個人比較傳統，會專心照顧男友起居飲食同打點生活上的一切，但叫佢去玩，阿蛇跟本就enjoy唔到，阿蛇最enjoy就係同阿真哥回娘家飲茶行下街，回家同屋企人打反幾圈社交雀，久不久去睇場戲阿蛇都己經夠晒開心了。就咁聽落唔駛煩啦，一狗轉過去飛標妹個度就得，好明顯真哥同飛標妹開心好多。件事煩就煩在阿飛標妹都有個好大問題，就係真哥上次上佢家執左一濟之後，發覺佢屋企亂七八糟，上星期碗都未撚七洗，真哥執左一濟之後頂唔順太亂，幫佢洗左廚房的碗碟，洗完飛標妹就著件T-shirt錫真哥話佢好乖乖。真哥回家後當晚望住廚房煲緊糖水的阿蛇，再轉身靜靜的去露台嘆口煙想一想，如果同飛標妹一起的話，以後唔撚駛指意食到柔情住家飯加腐竹雞蛋糖水……。
阿真哥講完晒之後，我得出個結論！就係真哥如果同阿蛇一起，會得到幸福，一種大部份人都會感受到的幸福，回家有飯食有湯飲，女友持家有道。相反真哥同飛標妹一起，得到係一份開心，一種較高層次的男女關係歡喻，但回到家後好可能真哥要充當收拾家務的角色，又或者要請個工人幫忙幫忙！不過就算請左工人，飛標妹都會整亂好多其它野。如果一個女人帶到比你幸福同開心，好明顯就係你最愛啦！但唔係咁易找得到呢！真哥好斗結，跟本唔知點挑撰！其實我心入面好想問，咁邊個大波D，就加分先！但無問到，我反為問左幾個問題，我問真哥，開心緊要定幸福緊要？開心會長久定幸福會長久？因為開心先會幸福？還是因為幸福先會開心？真哥望住我一時之間答唔到，行出外面食反支煙仔又打電話比飛標妹講笑。回來之後真哥問反我，咁你呢，你覺得幸福緊要定開心緊要。我估唔到佢咁問反我，一時之間呆一呆！ 寫到呢度賣個關子，大家朋友又想下你地覺得開心緊要定幸福緊要？