阿診的古靈精怪: 人頭沙包
人頭沙包
2012年, 我有幸出席了一個網聚,
係香港鬼網 JemDogDog 加三藩市鬼網,
兩大節目主持人攪既,
而三藩市鬼網既網主,
名叫 Go 敵安 (故事簡稱 G),
呢個故事係佢當日講既親身經歷!
話說 G 日間有正常工作,
有一日佢接到朋友 A 既電話,
A 是一個留學生, 大大隻隻,
好鍾意運動, 平時有做 gym 的,
亦都係一個好虔誠既基督徒,
對於鬼怪野是完全唔相信的,
A 先生同佢講, 可唔可以車佢,
因為 G 是有車的, G 就放工去車佢,
A 原來在某地方, 工廠區附近,
執到D野, 太大件, 搵埋朋友 B 一齊搬,
朋友 B 和 A 返埋同一個教會,
G 和佢地兩個都認識的,
佢地搵 G 因為 G 有車可以慳番D車錢,
G 去到工廠區路邊就發現,
原來 A 執到個打 boxing 既沙包,
好新淨, 但非常重,
於是 A, B, G 3個男仕就將個沙包搬上 G 架車,
去 A 屋企, A 家是一個非常大的地庫,
全開放式設計, 雖然無窗,
但四四正正地方好見使,
正好將個沙包掛係大廳中央,
方便佢做下運動!
一星期後, G 返返下工,
接到 B 既電話, 佢話 A 現在佢屋企,
叫 G 快D來, G 放左工去 B 屋企,
見到 A 仲係好驚, 拎住水杯既手仲震緊,
究竟 A 發生咩事呢?
後來 A 開始鎮定左D, 就講,
其實自從執左個沙包之後,
佢成日都覺得屋企好凍,
有時仲會有D怪聲,
但因為 A 係虔誠基督徒,
佢完全唔信有鬼, 所以都唔驚唔理,
只會諗可能屋企暖氣唔夠,
直至今日佢係屋企見到既野,
真係嚇到佢傻左……………
話說 A 當日係屋企
開大音樂, 爆晒機做 gym,
做左半個鐘左右, 已經出晒汗,
當佢做緊掌上壓時,
有D汗滴左落眼, 咁佢就合埋眼繼續做,
忽然間佢感覺到, 有人係佢左耳邊吹左一口氣,
好凍, 好凍, 佢果時心諗,
可能係自己幻覺, 佢繼續做掌上壓,
今次走左去右耳邊吹氣, 又係好凍,
佢開始有少少驚,
但做運動係一 part part 既,
佢諗住完成成個過程先停止,
仲差幾下, OK 做完,
佢擦一擦眼中的汗水,
睜眼一看……………
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
有個成臉血既人頭,
就係地板上面, 望住佢,
係男人黎, 佢當時嚇到坐左落地,
成個人軟晒, 佢只係知要快D走,
所以一股作氣起身,
轉頭走去門口拎番銀包鎖匙,
關上門就衝左出街,
出到街, 冷風一吹,
先知自己著唔夠衫, 好凍,
佢六神無主, 於是去左 B 屋企,
B 見到佢時佢仲好驚,
所以就打比 G,
經過一番商討,
佢地都認為問題出在個沙包度,
就決定番去 A 屋企,
掉左個沙包, 邊度黎邊度去,
放番係工廠區路口!
OK 3個大男人去到 A 屋企門口,
未開門, 已經聽到屋入面個沙包,
發出 e…e…e, 係大廳度搖來搖去既聲,
佢地你眼望我眼, 間屋無窗,
點會無風自動呢?
佢地都要頂硬上開門,
入到去D聲又無晒喎!
於是佢地3個就將個沙包除左落黎,
G 開車車番去工廠區度放番當日原位,
然後 A 就番左屋企呀!
幾個星期後, B 又再次打電話比 G,
佢話 A 自從果件事發生後,
無再返教會, 打電話去又唔聽,
而家連電話都停埋,
於是佢地就去 A 屋企搵佢,
按門鐘但又無人, 後來 A 既屋企人都搵佢,
因為失左蹤個幾月, 仲報左警!
半年後 G 先生係聚會度同我地講,
A 先生到而家都仲係不知所蹤,
唔知係生係死,
而 G 先生當日同我地分享時講,
佢搬走個沙包時先發現,
沙包底部 (黑色的),
好似有撻特別深色既,
果時以為只係 dirty,
而家諗番會唔會係乾左既血跡?
而 A 先生當日見到個血淋淋既人頭,
其實係咪藏左係個沙包入面呢?
太多不解迷團, A 先生又失左蹤,
真係好恐怖!!!
