Jem仔週記 27-5-2014 關於網台之我見
小弟09年後因某原因失業，晚上在香港討論區無意中寫故仔，日頭打拳玩單車做散工，後來得一澳門fans阿Ngai幫我建立一「個人網站」，成立的原意是想把之前看故事的朋友聚在一個地方，因為香討的post會過期，於是用緊有的幾千銀成立一個jemdogdog.com，以免這個名字在網絡上消失。開始了免費講節目自己邊學邊做，其實是一種情緒的發洩。但因緣際會之下，原來「屌出心底話」係會產生其它網民的共嗚，也在這段時間發覺自己十分喜愛做節目。但畢竟興趣不能當飯食，身邊很多朋友家人塘邊鶴都笑你傻仔。雖然直到今日都無人出過糧比我，但我知道自己做緊乜野。及後用自己故事搞了兩個舞台劇，都是咬緊牙根之下完成，辛酸野講黎無意思，過左去就「撚就」。由09年開始搞左咁多野出黎，完來都係無收入，可能連「西工」麥當勞都不如。你叫我由頭再做多一次，我一定唔會。但不知不覺咁多年，發覺身邊好多頻度都收撚左皮，我仲未到期收皮(將來唔知但今日未死住)。仲跟左Edmond Poon開左收費頻度，多謝潘生協助和寶貴的意見。講網台勁人崇拜，我剩係崇拜老潘，因為佢夠堅持又夠膽。
網台節目係近年新興的一種小眾媒體，當然人數不能與傳統電台和電視相比。小弟亦都去過傳統電台和電視觀看，科技現在日新月異，聽眾的思想吸收力非常之強。跟本無人話到比你聽呢件事因該點樣行落去。網台過癮之處是，唔係你大量跌銀紙就能成功。你用傳統個套思維去行，可能唔夠一班網上膠友打。網上電台的人就等如遊擊隊，班友仔好多唔係純為錢。你有睇教父第二集，有一個對白阿爾柏仙勞去到古巴見到一班革命份子後，同身邊的人講呢班人搞革命唔係為錢，一定成功。
網台最唔同的地方，係傳統電視你打開部機，由狗佢放乜撚膠節目你就睇乜撚。你睇睇下膠劇你唔想睇落去，無得你揀。傳統電台節目你返工在公司打開部撚屌收音機，你由狗佢講乜撚吹乜撚你都繼續聽，因為你係公司無聊唔聽，聽老板和客人日屌夜屌你仲辛苦。所以你聽緊的是一種習慣，等如的士佬聽收音機。佢唔會對節目有一種忠誠度，因為乜野時間聽乜野節目，其實唔撚係你自己揀，係個段時間之內，你坐係度無得揀，你逼住坐係度聽。
但網台唔同，幾時聽乜野節目，幾時支持邊個台，係你用Mouse和Keyboard去投票。所以網台聽眾唔係聽一個「台」，網台聽眾係聽佢喜歡的主持人性格和內容。而呢種關系，在現今的網上交友網站係互動的。並不等如十九幾年前，你離開TVB去外面吃大茶飯，可能無人識你。今時今日你花兩千銀開個人網站，用Google就能找你出來。所以就算你用1000萬開一個大形網站做30個唔同特色的節目，一樣無撚人聽。因為聽眾係跟主持人，並唔係跟你個台，除非你找到30個有一定聽眾的主持人齊心協力去打拼呢個台。因為聽眾唔想聽，打個新網址，就馬上轉撚左台。唔同阿爺爺家中部撚屌電視，得無線亞視明珠台。黃金時段播電視劇，今次唔睇胡杏兒，下次就睇胡定恩喔！！！現今2014年，其實仲有好大部份人睇緊電視而且無用電腦，我親人當中就有4成以上無用電腦手機。網台仲係靠一小眾還在成長中的聽眾群所維持。
你丟大量金錢去做一小眾人的市場，用傳統的媒體思想去運作無人知道的網絡新領域，係不切實際的做法。相等如你養一大班美軍去打越戰，比班爛仔係山頭放冷槍打撚死你。網上網台就係呢班爛仔用爛槍打出黎，你唔熟地頭等如丟錢落咸水海。反回根本個源頭睇，呢班網台主持最開頭成立，唔係為錢，當然今時今日自從edmond開創先河後，大家發覺時代轉變，網台開始能夠收費。但對比起要營運一個極大的綜合性網台，這些錢係微不足道的。
絕大多數傳統媒體的主持人開咪，都係會由「錢」開始，而呢班人又比傳統個種出糧老板式言論所管制，又唔明白網上現有的聽眾，唔聽傳統電台轉去聽網台，係因為聽電台聽撚到悶，言論無自由，主持受老板規管。今時今日的聽眾個腦，轉得快過澳門馬場隻跑狗，你仲想帶住班聽眾走己經係無可能。有了Google之後，人人都係博士生。唔到你講乜我就聽乜。現今社會無人缺乏知識和資訊，現在的人缺少的是「人生」。唔信？你打開youtube，你話比我聽你有乜撚野係找唔到？整電視機都有人教到你啦。
所以你做節目唔忠於自己，你連一小眾人你都找唔緊。近日有行家網台主持人離巢他去，又不斷有新網台主持人加人網絡世界，實在是百花齊放。而我地呢班人，用點滴的資源，去跟傳統的大水喉打仗，靠的是一口氣和一種「信仰」，就像當初我開Mic一樣，覺得電台班人唔好聽，於是自吹自推網上膠吹。但願所有「小水滴」網上電台，唔會成為媒體的過客，能夠和大家繼續走下去，網台主持人吃的再不是麫包，是雞比加意大利粉。
多謝由香討到現在都支持小弟的人，大家一起去打仗吧！