網上電台 鬼故 奇案 驚心動殺 jemdogdog
首頁 > US NAVY 港兵雷奧 > 美軍的五大部隊簡介

美軍的五大部隊簡介

2010年4月9日

今日同大家講講美軍的五大部隊:

首先講下軍階,主要分為士兵及同軍官級.中學畢業只可以入士兵級,接受綠卡人仕入職,等級由E1到E9.而軍官級最少要大學畢業,亦一定要入咗美國籍至可以申請,等級由O1到O9,可以叫管理層,而地位和人工較高,例如機司和指揮官就一定係軍官才可以做.簡單嚟講,士兵級最高的E9亦要聽從O1嘅order.而各部隊的軍階是相同的,只是不同軍種.

1)海岸防衛隊-主要負責國內安全防衛,海上巡邏,搜救,同海上導航等事務.聽落已經知佢哋任務比較易辦,入職亦較易.

2)美國陸軍-可分為正規軍和預備軍,首先係預備軍通常稱為國民警衛隊,大多數由州政府指揮,實力較弱,而訓練都唔完善.而正規的陸軍受正式軍事訓練.戰鬥部隊大致分為裝甲師,步兵師,空降師,和航空戰鬥旅.裝甲師管有坦克,裝甲車同運兵車.步兵師當然由步兵組成,但亦有特種部隊,好似警隊入面概飛虎隊甘,著名嘅有三角州部隊.War game 友必定想入啦,但要求極高,體能同意志力少啲都唔得.空降師通常係傘兵隊,概念係由飛機飛到敵重地,由傘兵跳落並進行突擊.航空戰鬥旅由直昇機隊組成(没有飛機的),出名嘅有黑鷹最直昇機,而最強嘅係有坦克殺手之稱嘅阿帕奇直昇機.由於長期唔夠人用,入職試亦較易,例子係我妹夫入職試fail咗亦可入職.

3)海軍陸戰隊-由海軍割出嚟嘅部隊,任務同陸軍有啲似,但比較多上岸和搶灘嘅任務,陸地戰亦唔少.而亦有擁有海軍嘅機隊(會在海軍果段再介紹,當然亦有特種部隊.傳聞係五個部隊中死亡率最高,可見他們係喺戰爭中的最前線.入職條件同陸軍差唔多.

4)海軍-小弟曾效力嘅軍團,當然以海上力量為主.以航母戰鬥群為主力,加上登陸艦,兩棲攻擊艦,直升機航母艦,神盾驅逐艦,反潛驅逐艦和潛艇.現代戰艦以核動力為主,而個別戰艦可發射核彈.而戰機種類亦多,但可以話係聽戰機機種同空軍唔同,作戰能力唔一樣.以前以TOP GUN中嘅F14熊貓戰機為主力戰機(TOP GUN係海軍,不要搞錯). 近代以F18黄蜂戰機為主(天煞地球返擊戰那一部,現在開始引入會F35閃電戰機(有隱形同垂直昇降工能,在Die Hard 4.0中出現過,我除咗呢部所有近代海軍飛機都見過,相片後補).海軍亦有特種部隊,同性陸軍嘅一樣甘堅.我遲啲會再係我日記中慢慢介紹海軍.入職條件算中等.

5)空軍-當然以戰機群做主力,有各式各樣嘅飛機,由於我嘅部隊喺阿富汗同伊拉克戰爭中支援空軍,我喺土耳其同沙地阿拉伯嘅美國空軍基地見識過唔少嘢,曰記中會再提及.而空軍亦只有2架最先進的戰機我未見過: 1.2億美金一架嘅F22猛禽和11.5億美元一架嘅B2精神式戰略轟炸機!呢兩架係空軍嘅皇牌,本身係軍人亦好難見佢一面.最後,入職條件係最難,太空總處有時都會去空軍揀卒!而通常每年空軍收到嘅預算係最多(一架飛機都億億聲,預算梗多啦),當然福利亦較好啦.

US NAVY 港兵雷奧

  1. 目前沒有任何的評論
  1. 目前還沒有任何 trackbacks 和 pingbacks。
你必須 登入 後才能發表評論。
Copy Protected by Tech Tips's CopyProtect Wordpress Blogs.