網上電台 鬼故 奇案 驚心動殺 jemdogdog
首頁 > 阿Jem談情說愛 > 阿Jem脫毒愛情手冊第二編之好奇心的種籽

阿Jem脫毒愛情手冊第二編之好奇心的種籽

2010年4月16日

sisi markup

 好奇心讓人胡思亂想,是愛情產生的一個重要調味料!

上次講過,在一段未開始的關系中,千萬不要用直接方法做直接的事,先要用眼觀察對方,在不斷發放追求和行動信息的背後,要保持極度神秘感!

玩手段引起對家的好奇心是讓愛情產生的一個重要種子

要慢慢讓對方為你的一切產生好奇心,一個人開始喜歡上另一個人,第一樣出現的其實系好奇心,會打聽和非常想知道對方的一切背景資料,你想對方喜歡你,就要留有一手,千其唔好將自己身世,背景,工作,家人,男人關系等全部一五一十講兩句就話晒比人聽記住不能夠用直接的答案去回答直接的問題!因為這樣在一場戀愛入面系非常之悶的!男女交往的愛,一定要有個過程,呢個過程越有趣,你成功機會越高,男男女女都一樣!無論個男人同你講乜野,佢永遠想最快脫光你衣服嘴你,但你未用手段引起佢個種癮,你吊佢唔夠時間,最後上左床就系悶,感情雖要在漫長的好奇與遊戲中產生的,否則就系悶,悶系一段關系走向盡頭的最大原因,對方永遠對你產生好奇心,就會一世同你玩落去!我講甘多大家可能唔明,我舉個例子,高手和低手的說話!

感情對答一

濕九男問:  系呢,你都幾靚女呀,一定好多男朋友架!應該大把人追啦! <非常on 9的問題,條女靚實有人追,你甘問人地只有行貨答你,套唔到料的傻仔。>

傻妹妹答: 下,系女人都有人追啦,要合眼緣有feel先得架,唔通唔適合都要呀! <條仔一聽就知你無仔,好明顯潛台詞系你等仔溝緊!一聽你甘答就系悶女人。>

高手妹答: 哈哈,我無用紙寫低記住喎,你覺得點先系追一個女仔架!<老大唔好比人知你有無人追,等佢講佢自己系點追女!等佢講完你都只能有一個答案,就系話你覺得我有咪有羅,無咪就無羅,講感覺架嘛哈哈!……等佢反家自己想通頂啦傻仔!毒佢!>

感情對答二

高手男問:  點呀,頭先見你有幾下諗緊野,系咪有心事呀,睇你唔似有家庭問題,系咪有感情野!不過可能你個樣有時會系甘,諗緊乜野事!(無中生有屈狗佢,佢只能夠有兩個答案),第一種答案,無野呀邊有想住其它野者,望下野之嘛!….去到呢個位,你補一句話,如果有唔開心野你要話我知,唔好屈住屈住,<10條女10條都會有唔開心野,佢like你比你套兩野會自己講,無就當扮細心的關心算數!> 第二種答案: 下,你又知,識睇相呀! <可能佢當時無,但比你甘問,又多口想爆小小野發洩下情緒,甘你就聽下係邊方便的感情事,順便問下話,感情呢方便,來來去去個幾樣,可能你個種特別小小,我想做聽眾!> 如果條女唔肯講,唔緊要,你唔好再逼人講,你講自己的比佢聽,老西要講得感動小小,唔好甘多邊個對與錯,要講出感覺的那種情愛,唔系八婆個種數對方不是!女人要聽的系浪漫事,唔系八婆內容!

高手妹答: 系咪我諗緊野甘快幾秒你都睇到,甘你覺得我系想緊乜野呀! <永遠唔好馬上回答男人的問題,要用另一個問題去答一個問題,因為男人對你的說話,就好似對你身體探索一樣,一見到個底牌,就會降低左個好奇心,無好奇心,男人就會悶!將個波交反看比佢,睇下佢點答你。> 佢問你野,變反你套佢料!

感情對答三

傻妹妹問:  見你應該以前都好多女仔識啦,唔好扮野啦!<知個男仔有無女或多唔多女,甘問人地一聽就知你系初哥,因為你己經假設佢系有,佢好明顯己經佔左上風,如果系高手就算佢無都會吹到自己有來玩妳!加上你完全引唔起佢對妳的好奇心!問得好差,系行貨泥!)

濕狗男答:  無呀,邊有甘多女仔追呀,幾年無識過女仔啦!又唔系靚仔過人!<人地問你一句,你on 99爆晒自己的二仔底比人聽要知道每個女人心底入面都有一個非常強烈的競爭心態,佢地買個手袋,買樣衫都想同別人不一樣,一有甚麼其實都想爭下,你自爆出泥可能想人地知你無女,專一加唔花心!但女人知道唔駛爭,會扮高貴架啦,到時你on 9。女人一知道有對手,佢對你的態度和溫柔情度系唔同,因為知道市場上有另外的女人會對住你!女人就系甘樣!勾佬的女人,多數的另一半都是那種痴心情長劍,你幾時見花心男的女人會勾佬,知唔知點解,因為佢地日日要掛住忙著點樣對付自己條仔,個腦容不下其它人的呢,要比女人心中有一個字!>

高手男答: 我好多時都要工作同做野,唔鐘意花太多時間追女仔,但比我遇到鐘意又愛的人,我唔會理有無野做都一定會約佢,哈哈,男人都要有女人系生活上陪下先得,有時又有,有時無甘啦,哈哈,不過唔系無女仔識個種,我女性朋友比較多架!好多都系朋友泥!你甘樣答,有幾樣野潛台詞表達到你個性!1> 你事業心重,唔鐘意玩女溝女。 2> 你為左真愛先會追女,甘過一排真系動手追條女個陣就引用反呢句,無左佢唔得,真系好掛住佢,就算系工作個陣都系! 條女多數唔知你之前放左條線系老吹,信我! 3> 你答時有時無,即系話你系身邊有關系,但又可能無,佢會好奇你系點樣呢!你唔得閒個陣去左邊呢!佢會想想下就動左情! 4> 你女性朋友比較多,即系話你撰擇多,但最後你都挑佢做女朋友,你將來出手溝佢個陣你求其9 up個藉口,佢個性好真呀,對住佢有一種好想一生一世的感覺呀!見到佢令到自己好努力工作,想照顧佢甘…..19幾個藉口!求其想個啦,講完得手就嘴啦,但個藉口唔好話見到佢想上床就得!  去到呢個位,個個女人男人都相信自己系對方心目中系最特別個位架!

睇到呢度,記住講說話要有伏線,要用一個問題去答另一個問題,在感情世界無肯定的答案,只有另對方覺得自己系最特別個一位!好奇心會讓人胡思亂想,在想像中的時間就會不知不覺產生出愛意,呢種就系慢火煮出泥的愛情湯水,無飲過好多時候都會悶!你可能會問,我老公同我都悶,咪又一起甘埋,對,兩個悶人都會一生一世,但有一日當佢身邊出現高手,你就死期到啦!好命咪無羅! jemdogdog 15-04-2919

下編講點樣突破身體接觸更進一步成為情侶!

阿Jem談情說愛

  1. 目前沒有任何的評論
  1. 目前還沒有任何 trackbacks 和 pingbacks。
你必須 登入 後才能發表評論。
Copy Protected by Tech Tips's CopyProtect Wordpress Blogs.