施食.PART1
雖則話自己無咩鬼故講, 不過諗下諗下..有個幾得意既經歷想同大家分享一下..
話說工作上既人事搞到我好唔開心. 所以同同事番佛學, 諗住學下野之餘, 睇下可唔可以放開D. (不過我好懶又早訓, 所以出席率大約只有3成…)
大約係今年2月幾3月時, 有一日番工, 我同事Z同我講 “佛學個度呢, 話今晚去施食阿, 即係餵餓鬼, 你去唔去阿?”
我抱住咩都試下, 同埋好似係做好事既心態就應承左喇.
先講講乜野係施食先, 施係即係餵餓鬼, 我地上次去係水+米, 用黎撤地, 師父一路諗經, 我地一路撤, 師父話餓鬼食左戚生唔飽, 因為個喉嚨會好似比火燒甘, 食又食唔到飲又飲唔到, 又唔可以投胎, 所以好可憐既, 佢諗既經文係可以令到餓鬼喉嚨舒服D, 令佢地食到野, 再之後就諗經超渡佢地.
依D係上網搵番黎既資料 ” 施食又名「施餓鬼」,一般我們都只認為施食單純讓餓鬼飽滿,但深入經典方知,經過施食咒加持七遍後,即成「解脫食」,
也就是來食餓鬼吃到食物即得解脫,如經雲「罪畢得出生人天中。受天尊勝微妙快樂殊勝自在。」
又經過施食咒的加持,縱使我們未招請餓鬼,餓鬼也因施食咒的關係,來數如恒河沙,
如經雲「彈指七遍，取于食器，于凈地上，展臂瀉之。作此施已，于其四方，
百千那由他恒河沙數餓鬼前，各有摩伽陀國七七斛食，受此食已，悉皆飽滿。是諸鬼等，悉舍鬼身，生於天上。」
所以施食咒是相當重要,又名「勝大悲曰陀羅尼」!”
先講番個日施食, 我地成日等到齊都已經成8點幾, 之後成20人就分開坐的子上華人永遠墳場.
到左墳場, 個看更出奇地無咩留難我地, 只係叫我地小心野狗, 就好順利甘上山..